Пакистандык талиптердин маалымат каражаттары аркылуу элге таасир тийгизишин токтотуу үчүн Ооганстандын Ички иштер министрлиги пакистандык бардык гезиттерге тыюу салды. Жума күнкү билдирүүсүндө министрлик гезиттер талиптердин маалымат катчылары үчүн үгүт жүргүзүүнүн платформасына айланып калгандыгын эскертти. Министрликтин билдиришинче, ооган чек арасында полицияга Нуристан, Кубар, Нангархар дубандарында дүкөндөрдү тинтип, пакистандык гезиттерди тартып алууга буйрук берилди.