АКШ президенти Барак Обама Украинадагы окуялар боюнча кырдаалда орус президенти Владимир Путин жеңүүчү чыкты деген пикирди четке какты. CNN телеканалына маегинде Обама акыркы экономикалык санкциялар Москва үчүн олуттуу экономикалык көйгөйлөрдү жаратууда деди.
Кошмо Штаттардын президентинин сөзү боюнча Путин ири финансылык кризис жана экономиканын өсүү темпи начарлаган абалга тушукту. Мындай абалда Орусиянын жеңүүчү чыкты деп айтуу туура эмес экенин Обама эскертти.
