"Ислам мамлекети" тобунун согушкерлери Ирактын түндүгүндө байыркы артефакттарды талкалап жаткан видеотасманы интернет аркылуу таратты.
Бейшемби күнү интернетке коюлган видеодо Мосул шаарындагы музейде коюлган байыркы айкел жана башка скульптуралар темир союлдар менен аёсуз талкаланып жатканы көрсөтүлөт.
Өзүн "Ислам мамлекети" деп атап алган согушкер топтун экстремисттери Мосул шаарын былтыр июнь айында басып алган болчу. Алар айкелдерди идол деп атап, аларды жок кылыш керек экенин айтышты.
