Жогорку Кеңештин отурумунда КСДП фракциясынан депутат Эркин Сакебаев кыргыз-түрк "Себат" лицейиндеги жапырт уулануудан кийин бардык мекемелердеги ашканаларды текшерип чыгууну сунуштады.
Сакебаевдин айтымында, комиссия лицейди текшерген маалда ашканадагы санитардык-гигиеналык абалы канааттандырарлык эмес болуп чыккан жана санитардык нормалардын талаптары бузулган.
"Лицейдин директоруна мекеменин ишин токтото туруу жөнүндө токтом берилген. Иш шаардык прокуратурага өткөрүлүп берилди", - деди депутат.
20-февралда Токмоктогу кыргыз-түрк "Себат" лицейинде окуучулардын жапырт уулануусу катталган. Эртең мененки тамактануудан кийин 57 бала медициналык жардам сурап кайрылган. (ZMa)
