Жогорку Кеңештин жыйынында депутат Бакыт Төрөбаев Орусиянын "кара тизмесине" кирип, иштегени кете албай жаткан мигранттардын маселесин көтөрдү. Депутат 2014-жылы тизмеге 100 миңден ашык мигрант кирип калганын, аларга 5 жыл Орусиянын аймагына кирүүгө тыюу салынганын белгилеп, "ушул жылы тизмеге киргендердин саны 300 миңге жете турган болсо, өкмөт өз жарандарын иш менен камсыздай алабы?" - деп суроо узатты.
Депутат тизмеге кирген мигранттар паспортторун алмаштырып, чек арадан өткөндө кылмышкер болуп калганын айтып, мындан улам "кара тизмеге" киргендерге мунапыс колдонууну сунуштады. (ZMa)
