Москванын Басман соту Орусияда айыпталып жаткан украиналык учкуч Надежда Савченконун тергөө туура эмес жүргөнү тууралуу арызын четке какты. Ал тергөө калыс жүрбөй жатканын айтып арызданган болчу.
Надежда Савченко өткөн жылдан бери Орусиянын тергөө абагында кармалып турат. Ал Луганскта орусиялык журналисттердин өлүмүнө тиешеси бар деп шектелүүдө. Савченко өзүнө коюлган айыпты четке кагып, ал жикчилердин колуна түшүп калып, Орусияга жеткирилгенин ырастап келет. (RK)
