Кыргызстандын куралдуу күчтөрүнүн майрамына арналган салтанат бүгүн Токтогул Сатылганов атындагы улуттук филармонияда болот. Ага президент Алмазбек Атамбаев катышат.
Кыргызстандын куралдуу күчтөрү мурунку союз таркагандан кийин өз алдынча болуп, 1992-жылы түзүлгөн. Ошондон бери 29-май куралдуу күчтөрдүн күнү болуп белгиленет.
Эл аралык Global Firepower аскердик-аналитикалык порталы жакында жарыялаган рейтингде кыргыз армиясы дүйнөдөгү 126 өлкөнүн ичинен 78-орунду ээлеген. Рейтинг аскерлердин саны, алардын курал-жарак, аскердик техникалар менен камсыздалуу деңгээлине карап жүргүзүлгөн.(ZKo)
