АКШ президенти Ак үйдө Вьетнамдын башкаруучу партиясы –коммунисттик партиянын Башкы катчысы Нгуен Фу Чонг менен жолугушуп, тарыхый сүйлөшүүлөрдү жүргүздү. Бул эки өлкөнүн ортосунда дипломатиялык карым-катыштын 1995-жылы жандануусунан берки алгачкы жогорку деңгээлдеги жолугушуу.
Обаманын сөзү боюнча, саясий ой жүгүртүмдөрдүн түрдүү экенине карабастан, АКШ менен Вьетнамдын кызматташтыгы бекемделет.
Нгуен Фу Чонг сүйлөшүүнү “жылуу, конструктивдүү, ачык жана жагымдуу” болду деп баалады.
Байкоочулар Кытай активдеше баштаган учурда Вашингтон менен Ханой өз ара мамилесин бекемдөөгө аракет кылып жатат деп айтып чыгышты.
