Мамлекеттик мүлктү башкаруу фонду 28-сентябрда радио толкундарды ижарага берүү үчүн аукцион жарыялайт. Толкундар 10 жыл мөөнөт менен атайын келишимдин негизинде берилет. Бул тууралуу Мүлк фондунун расмий сайтында жарыяланды.
Маалыматка ылайык, аукционго 3 лотко бөлүнгөн объекттер коюлуп, баштапкы баасы 238 миллион 803 сомго бааланууда. Арыздар 17-сентябрга чейин кабыл алынат.
Кыргызстанда радио толкундар биринчи жолу сатыкка коюлууда. (КЕ)
