Премьер-министр Темир Сариев бүгүн Ош шаарында алты миллионунчу болуп төрөлгөн кыздын ата-энесине төрт бөлмөлүү батирдин ачкычын тапшырды. Өкмөт башчы наристеге ден соолук, узун өмүр каалады.
Кыргызстандын 6 миллионунчу жараны Ошто 25-ноябрда төрөлгөн. Ымыркайдын атасы Алмаз Кожошев аскер кызматкери, энеси Рахат Белекова үй кожойкеси. Үй-бүлөнүн буга чейин үч уул, эки кызы болгон. Айлин бул бүлөдө алтынчы болуп төрөлдү. (КЕ/YI)