Алардын ичинен эң башкысы катары "Ислам мамлекети" деп аталган террорчу топ жана Орусиянын “дымактуу” тышкы саясаты белгиленди. Кошмо Штаттардын Улуттук чалгындоо кызматынын жетекчиси Жеймс Клэппер олуттуу көйгөйлөрдүн катарына киберчабуул, жергиликтүү террорчулар, "Ислам мамлекети" террорчу тобунун экстремисттери жана Түндүк Кореянын ракеталык жана ядролук куралын кошту.
Президент Барак Обама АКШнын киберчөйрөсүн чабуулдан коргоо жана бекемдөө үчүн 2017-жылдын бюджетинде 19 млрд. доллар карап жатат. Бул быйылкы жылга караганда 35% га көп. Клэппер антитеррордук чараларга карабай Аль-Каида террорчул уюму Ооганстан жана Пакистанда коркунуч туудурган бойдон калып жатканын белгиледи. (AiT)
