Социалдык фонддун төрагасы Мухаммедкалый Абылгазиев 13-февралда Аксы районунун борбору Кербен шаарында жашоочулар менен жолугуп, кымбаттаган социалдык төлөмдөр боюнча түшүндүрмө берди. Абылгазиев жер үлүшүнө төгүмдөрдү кымбаттаткан мыйзам өткөн жылы коомдук талкуудан соң кабыл алынганын айтып, бирок бир топ нааразычылыктардан улам маселе кайрадан каралып жатканын билдирди.
11-февралда райондун Кара-Жыгач айылынын тургундары соцфонд төлөмүн арзандатуу боюнча митингге чыгып, беш талап жазылган кайрылууну бийликке жолдошкон. Андан мурдараак Ала-Букадада ушундай нааразылыктар болгон. (RsK)
