Тажикстан: Карыялар Сибирде кыштап кайтабы?

“Эл үнү” уктуруубуздун бул жолку чыгарылышына кайрылган угармандарыбыз элетте карышкырлар күчөшү, кыш жана кымбатчылык сыяктуу маселелерди айтышты.

Жогорку Кеңеште чет өлкөлөрдөн келген гранттарды, кредиттерди жана гумжардамдарды Саламаттык сактоо министрлиги кандай пайдаланганы тууралуу маселе талкууланды.

Татарстандын бийлиги бардык жогорку окуу жайлардын студенттерине жана орто мектептердин жогорку класстарынын окуучуларына баңги сынагынан өз ыктыяры менен өтүүнү сунуштады. Бүткүл Татарстандын аймагында алгач өткөрүлүп жаткан мындай сынакты жумурият президенти Минтимер Шаймиев да кубаттап, бул демилгени бүткүл Орусияга таркатууну сунуштоодо. Бирок мындай сынактын өткөрүлүшүнө каршы болгондор да аз эмес.

Күчү алты жарым баллга жеткен жер титирөөдөн жүздөгөн үйлөр кыйрап, миңдеген адамдар үй-жайсыз калып, дагы көптөгөн адамдар жаракат алышкан.

ЮНИСЕФтин изилдөөсү боюнча азыр республика боюнча 40 миңден ашуун бала мектеп партасын унутуп калышкан.

Сырттагы кыргыз мигранттарынын 80 пайыздан ашуунун өлкө түштүгүнөн баргандар түзөт. Бул арада аталган аймакка коңшулаш мамлекеттерден келип, соода кылып, жалданып иштегендер көбөйүүдө.

Статистикалык маалымат боюнча үй-бүлөсүн таштап чет жерде иштеп жүргөн мекендештердин саны 40 миңден ашуун. Эл аралык миграция уюму кыргызстандык мигранттардын саны миллионго жетерин айтып келет.

Жалал-Абат облусунун бир нече кыштактары электр энергиясы менен ичеер жана эгин суулары жагынан Өзбекстанга көз каранды. Коңшу өлкө аларды каалаган маалда өчүргөндө, Өзбекстанга чектеш кыргыз айылдары жабыр тартат. Кыргызстанга көчүп өтүүнү каалаган жарандардын паспорт алуусу түйшүктүү. Чек ара маселесин чечүү иши солгун жана жайбаракат жүрүүдө.

Кыргызстанда жарыктын өчүшү ооруканалардагы абалды ого бетер оордотуп жатат. Жарыктын өчүшүнөн кардиология жана терапия улуттук борборундагы 25 миллион сомдук ангиографиялык жабдык эки күн иштебей, дарыгерлерге да, оорулууларга да оңтойсуз абал түзүлдү.

Кытайдан келген унда зыянкеч мителер менен уулуу заттардын кошулмасы болуп калышы мүмкүндүгүн адистер билдиришүүдө. Ушу тапта шектүү унда эмне бар экенин текшерип беришин өтүнүп Кыргызстандын айыл жана суу чарба, кайра иштетүү министрлиги Орусиянын тийиштүү кызматтарына кайрылган. Министрликтин өсүмдүктөр карантини кызматынын өкүлдөрү кытайлык унда өтө коркунучтуу кабык курт (копровый жук), ошондой эле меламин болушу мүмкүн деп эсептешет.

Айтылуу тарыхчы, илим кандидаты Бейше Урустанбековдун көзү өткөнүнө быйыл 17 жылдын жүзү болуптур. Аттиң дүйнө, ар бир кылым аракетинен жашоо билиги жанган Бейше Урустанбековду шум ажал убагында арабыздан жулуп кеткен. Анткен менен анын опол тоодой эмгеги, жаркылдаган адамкерчилик элеси калды. Бейше Урустанбеков кыргыз тарыхында аты таанылган анык илим дыйкандарынын бири эле. Ыраматылыктын жүргөн-турганы, ойлогон ою, жасаган иши тарых болчу. Ал басса-турса да баладай бапестеп, кыраан куштай таптап келаткан тарыхтан кеп куруп, андан алпештенген ойлорун ортого төкчү. Бейше Урустанбековдун ырыс билги жапакечтиги, табият тартуулаган акылкөйлүгү, касиети анын кыска аралыкта Кыргызстан тарыхына аты таанылып, урматталган илимпоз катары саналышына себепкер болгон.

Бир жыл мурун беларус мамлекет башчысы Лукашенка антисемиттик сөздөрү үчүн эларалык коомчулуктун нааразылыгына кабылды эле. Быйыл болсо борбор калаада Минскидеги жөөттөрдүн кырылышынын 65 жылдыгы кеңири белгиленди. Оппозициянын лидерлери бул – Европанын акыркы диктатору деген атка конгон адамдын коомчулукка жагуу аракети деп сындашууда.

Маектешкен Аманбек Жапаров, Бишкек

Мындан бир жыл мурда, 24-октябрдын кечинде Ош шаарында “Сиёсат” гезитинин башкы редактору, 26 жаштагы Алишер Саипов атып өлтүрүлгөн эле. Андан бери туура бир жыл убакыт өтсө да бул кылмыштын бети ачыла элек. Маркум Алишер Саипов менен учурунда чогуу иштешип калган жалалабаттык журналист Абдумомун Мамараимов “Азаттыктын” таңкы түз обосунда ушул окуянын тегерегинде кеп салды.

Ушул айдын он биринде Көлдүн чыгыш ныптасындагы айтылуу Каркыра жайлоосуна танапташ жерде “Манаска таазим” элдик жөрөлгөсү өттү. Тарыхый-маданий иш-чаранын максаты - улуттук каада-салт, тарыхый баалуулуктарды сактоо, жаңы муунга өткөндүн сабактарын эстетүү болчу. Ошол иш-чаранын катышуучулары “Азаттыктын” студиясына келишип жөрөлгөнүн жөн-жайын айтып беришти.

Ырысбай Абдыраимов, Жалал-Абат

Жалал-Абат облусунда чек ара маселесин козгогон талкуу болуп өттү. Ага катышкан чек ара кыштактарынын тургундары менен журналисттер делимитация жана демаркация иши али толук бүтпөгөндүктөн бул тармакта кырдаал оор экендигин белгилешти. Коңшу мамлекеттин тургундары жашаган айылдар Өзбекстанга өтүп кеткен учурлар болгон. Жергиликтүү маалымат каражаттары чек ара көйгөйлөрү менен жаңжалдарын өз убагында калыс, так чагылдырып берүүгө алсыз. Аларга маалымат убагында берилбейт жана окуя болгон жерге барууга каражаттары менен унаалары жок. Облустук бийликтин өкүлдөрү турмуштук маанидеги окуялар деле көбүнчө туура эмес чагылдырып келаткандыгын белгилешти.

18-19-октябрда Тоң районунун Бөкөнбаев айылында кыргыз элинин жамбы атуу, жаа тартуу, тайганчылык жана мүнүшкөрлүк өнөрүн калыбына келтирүү боюнча Эл аралык биринчи фестиваль өткөрүлдү. Фестиваль учурунда тоого бөлүнүп чыгып кеткен фотожурналист Игорь Коваленкого капыстан бүркүт кол салып, башынан жаракат алды.

Айзада Касмалиева, Бишкек

Кыргызстандын экономикасына мигранттардын эсебинен жыл сайын болжол менен 1 миллиард долларга жакын киреше түшүп турат. Бирок айрым талдоочулар миграциянын бүгүнкү күндө өлкөгө пайдасынан да зыяны көбүрөөк деп эсептешет. Анткени мындай кирешенин артында укугу корголбогон мигранттардын моралдык басынуу менен коштолгон толгон токой проблемасы турат.

18-19-октябрда Тоң районунун Бөкөнбаев айылында кыргыз элинин унутулуп бараткан ат чаап баратып жамбы атуу, жаа тартуу, тайганчылык жана мүнүшкөрлүк өнөрүн калыбына келтирүү боюнча Эл аралык биринчи фестиваль өткөрүлдү. Ар кандай себептерге байланыштуу Монголия менен Түркмөнстандан чакырылган меймандар фестивалга катышкан жок. Казакстандын аймактарынан жыйырмандан ашуун саяпкер, тайганчы келишти.

Маектешкен Аманбек Жапаров

Өзгөчө кырдаалдар министрлигинин маалымат каражаттары жана коомчулук менен иштөө бөлүмүнүн башчысы Абдысамат Паязов “Азаттыктын” таңкы түз ободогу маегинде зилзаладан жапа чеккен Алайдын Нура айылындагы соңку абал, айыл тургундарына көрсөтүлүп жаткан жардамдар туурасында кеп салды.

5-октябрдагы катуу зилзаладан өзгөчө оор жабыркаган Нура айылына суук түшүп, суу тоңуп, мурдагысына табияттын дагы бир оор түйшүгү кошулду. Зилзаладан жабыркагандарга деп жасалган кышкы утурумдук үйдүн азырынча отуздайы гана жөнөтүлдү. Абалдын оорлошуп баратканын көргөн өкмөт дагы 50 чатыр, ага кошуп 100 электр жылыткычтарын жеткиртип берүү чечимин кабыл алды.

Кыргызстанда тамеки тартууга каршы бир айлык акция өтүүдө. Мына ушул иш чаранын алкагында Бишкекке Варшавадагы онкологиялык борбордун саламаттыкты чыңдоо фондунун президенти, профессор Витоль Затоньски жетектеген дарыгерлер тобу келди. Бүткүл дүйнөлүк саламаттык сактоо уюмунун тамеки тартууга каршы конвенциясына ылайык поляк жана кыргыз дарыгерлери чылым чегүүгө каршы чогуу иш алып барышмакчы.

Канымгүл Элкеева, Бишкек

ЮНИСЕФтин аткаруучу деректири Энн Венеман Кыргызстанга келди. Деги эле ЮНИСЕФ уюушулгандан бери уюмдун аткаруучу деректири Кыргызстанга алгачкы ирет келип отурат.

Бүгүн Жогорку Кеңеш Социал-демократтар фракциясынын мүчөсү, депутат Руслан Шаботоевдин жана ушул эле фракциянын мүчөсү Жусупжан Жээнбековдун уулунун жоголушу боюнча маселени жабык карады. Социал-демократтар фракциясынын депутаттары бул иштер боюнча тергөө-иликтөө иштеринин жүрүп жаткандыгына байланыштуу жана жоголгондордун тарапкерлерин тынчсыздандырбоо максатында өздөрүнүн ар кандай божомолдорун айтуудан карманып турушат. Ошентсе да Улуттук коопсуздук боюнча мамлекеттик комитетинин жетекчиси Мурат Суталинов жыйын учурунда бул адамдардын жоголушунда саясий себептер жок экендигин билдирген.

Журналист Анна Политковскаянын өлүмүнө байланыштуу Москвада сот процесси ачылды. Ишти округдун аскери соту карайт. Процесс ачылган күнү сот тараптардын сунуштарын жана талаптарын укту.

Социал демократтар фракциясы транспорт жана коммуникация министрлигинин жетекчилиги менен жолугуп, өлкөдөгү жарандык авиациянын жана жол каттамдарынын абалын талкуулашты. Депутаттар жалпысынан өлкөдөгү негизги жол каттамдарын оңдоп-түзөтүү аракеттерин кубатташканы менен жарандык авиация тармагындагы баш аламандыктарды катуу сынга алышты. Транспорт жана коммуникация министри Нурлан Сулаймановдун айтымында, тилекке каршы акыркы он беш жылда бул департаменттин жетекчилиги тармакты ушул абалга жеткирген, ал эми жолдорду куруу иштери барган сайын жанданууда.

Бүгүн мамлекеттик опера жана балет театрында кыргыз эл артисти, төкмө акын Ашыралы Айталиевди акыркы сапарга узатуу жыйыны болду. Жыйында чыгып сүйлөгөндөр маркумдун талантын, инсандыгын жана элине калтырган эмгегин белгилеп айтышты. Ашыралы Айталиевдин сөөгү Бишкектеги Ала-Арча көрүстөнүнө коюлду.

Маектешкен Аманбек Жапаров, Бишкек

Депутат Руслан Шаботоевдин дайын-дарексиз жоголуп, ушу күнгө дейре табылбай жатышына жердештери тынчсыздануу билдиришүүдө. Депутаттын кичи мекени – Ысык-Атанын Эпкин айылынын жашоочулары бул окуяга байланыштуу нааразылык акцияларын уюштурууну көздөп жатышат. Аталган айылдын тургуну Азиз Сарлыков бул тууралуу “Азаттыктын” таңкы түз ободогу маегинде кеп салды.

5-октябрдын түнүндөгү зилзаладан кыйраган Алай районунун Нура айылынын 156 тургуну Ош облусунун аймагындагы үч ооруканага тик учак менен жеткирилген. Алардын бирөөсү операциядан каза болуп, жыйырмасы сакайып чыгып, үйлөрүнө кайтарылды. Ооруканада калгандардын ичинен төрт-бешөөнүн абалы дале оор бойдон калууда.

Улуттар Уюмунун эксперттери Тажикстандагы алты миллиондон ашуун калктын үчтөн бири быйыл кышта ач калышы мүмкүн деп эскертишүүдө. Уюмдун гуманитардык иштерди координациялоо боюнча башкармалыгы өткөн айда бул жагынан өлкө 35 миллион доллар өлчөмүндө тыкыр жардамга муктаж экенин айтып, дүйнөлүк коомчулукка кайрылган эле. Азырынча бир жарым миллиондой гана каражат жыйналды.

Бүгүн 10-октябрда Бишкекте өтө турган КМШга мүчө өлкөлөрдүн мамлекет башчыларынын саммитине катышууга келген жетекчилерди тосуп алып, коштоп жүрүү жана жол коопсуздугун камсыз кылуу үчүн 5 миңдей милиция кызматкери күчөтүлгөн режимде иштеп жатат. Ошондой эле cаммит учурунда Бишкекке сырттан кирүүчү автоунааларга чектөө коюлду. Ал эми КМШ өлкө башчыларынын саммити баштала элек учуруда эле айрым жолдор убактылуу тосулганына жергиликтүү айдоочулар нааразы.

Ырысбай Абдыраимов, Жалал-Абат

Аксы районундагы Тоорук айылынын Өзбекстанда калган бөлүгүнүн тагдыры эмдигиче чечиле элек. Айылда жол, суу, электр жарыгы, мектеп, жашоо көйгөйлөрүнөн сырткары чек ара түйшүктөрү жанга батат. Андан тажаган жергиликтүү калк бөлүнүп калган туугандарын Кыргызстанга көчүрүп алууну көптөн бери талап кылууда. Өзбекстанда калган кыргыздар болсо кыргыз өкмөтү турак-жай курууга жер жана акча каражатынан жардам берип, өз аймагына көчүрүп алса деген ойлорун айтышууда. Жалал-Абат облус губернаторунун 1-орунбасары болсо тооруктардын талабын аткаруу мүмкүн эместигин билдирди.

5-октябрдагы зилзаладан таптакыр кыйраган Нура айылынын карыялары, аялдар жана жаш балдар жылуу жайларга көчүрүлөт. Бул туурасында Ош облус губернатору Аалы Карашев бүгүн жарыялады. Ошол эле мезгилде чатырларда жашаган айрым жабырлануучулар сөөктөн өткөн суукка чыдабай калышкандыгына даттанышса, өзгөчө кырдаал министри Камчыбек Ташиев мындай пикирлерди четке кагып, шарт канааттандыраарлык экендигин, бирок калкты кышы бою чатырларда жашатууга мүмкүн эместигин айкындады.

Базанын маалымат кызматынын кабарлаганына караганда, бүгүн бир автоунаа гуманитардык жардам Алай районуна жиберилди. Анда азык-түлүк, кийим-кече, балдардын оюнчуктары, кышкы аскер кийимдери, төшөнчү бар.

Жанарбек Акаев, Ош

Алай районунун Нура айылындагы зилзаладан көз жумган 75 айыл тургуну кечээ жерге берилди. Жабыр тарткандардын жана каза болгондордун басымдуу бөлүгү – жаштар. Жалпысынан учурда Ош облусундагы ооруканаларда дарыланып жаткан 142 адамдын 92си, ал эми каза болгондордун 43ү жаш балдар экени аныкталды.

Катуу зилзаладан кыйраган Нура айылында соңку маалымат боюнча адам курмандыктарынын саны 75 ке чыкты. 7-октябрда президент К. Бакиевдин катышуусу менен апаат болгондордун сөөктөрү жерге жашырылды. Каза тапкандардын отуз экиси бөбөк, он бири мектеп окуучусу, отуз экиси чоң киши.

Канымгүл Элкеева, Бишкек

5-октябрдагы зилзаладан Алай районундагы Нура айылы дээрлик толугу менен кыйрады. Ал жердеги имараттардын сейсмикалык талаптарга жооп бербегени ондогон адамдардын өлүмүнө алып келди. Ушундан улам, жалпы Кыргызстандагы турак-жай имараттарынын жер титирөө өңдүү табигый кырсыктарга туруштук берүү мүмкүнчүлүгү учурда маанилүү маселелердин катарында турат. Деги түрдүү табийгый кырсыктарга туруштук бере алган сапаттуу үйлөрдү кандай салуу керек? Курулуш багытында кандай эрежелер бар жана аларды кантип сактоо зарыл? Айрым адистердин сунуштарына кайрылабыз.

Грузиянын жикчил Түштүк Осетия аймагындагы август айындагы согуштук жаңжалдын чыгышына эки айдын жүзү болду. Ошол коогалаңдуу күндөрү үй-жайын таштай качкандардын айрымдары кайра өз журтуна акырындап кайтып келе баштады. Бирок орусиялык жоокерлер Грузиянын аймагындагы өздөрү “өткөөл тилке” деп жарыялап алган аймактардан чыгууга шашпагандыктан, теги грузин миңдеген тургундар мурдагы жылуу үй-жайына кайтып келүү мүмкүнчүлүгүнөн кол жууп кала берүүдө. Азыркы түшүм жыйноо кезеңи маалында жана кыштын ирегеге жакындашы менен бул аргасыз бозгундардын өз үй, өлөң төшөгүнө кайтууга эки көзү төрт болуп турган учур.

Катуу зилзаладан кыйраган Нура айылына барган кабарчыбыз Алишер Токсонбаевдин билдирген маалыматы боюнча кырсыктаган аймакта адам курмандыктарынын саны 75 ке чыкты. Бүгүн президент К. Бакиевдин катышуусу менен апаат болгондордун сөөктөрү жерге жашырылды. Каза тапкандардын отуз экиси бөбөк, он бири мектеп окуучусу, отуз экиси чоң киши.

Алай районундагы Нура айылында жер титирөөдөн жабыркагандарга жардам көрсөтүүнүн жүрүшү боюнча “Азаттыкка” Саламаттыкты сактоо министринин орунбасары Мадамин Каратаев маалымат берди.

Жекшембинин түнүндөгү жер титирөө бир эле учурда же бир аз кечигип Кыргызстан, Тажикстан, Ооганстан, Кытайдын аймагында катталганы менен аймактын андан эң көп жабыр тарткан өлкөсү Кыргызстан болду окшойт. Жетимиштен ашуун атуулун жоготкон Кыргызстандын дарегине учурда көңүл айтуу телеграммалары түшүүдө. Коңшулардын айрымдары жардам жөнөтөрүн да билдирип жатышат.

30-сентябрдан бери дайынсыз жок болуп жаткан ЖК депутаты Руслан Шаботоевди издөө иштери өтө начар, солгун жүрүп жатат, буга байланыштуу кылмыш иши да козголбоптур. Мындай маалыматты парламенттеги социал-демократтар фракциясынын лидери Бакыт Бешимов кечээ билдирди. Ал эми ИИМ басма сөз кызматы бул ишке байланыштуу кылмыш иши козголуп, тиешелүү адамдар көрсөтмө беришкендигин маалымдоодо. Жоголгон депутаттын жакындары кечээ коомчулукка кайрылуу таратып, Руслан Шаботоевди издөө иштери өтө солгун жүрүп жаткандыгына нааразылыгын билдиришкен эле.

Бүгүн, 7- октябрь - кыргыз авиация кызматкерлеринин кесиптик күнү. Бирок бул күнү бул тармакта майрамдык маанай өкүм сүрбөй эле, көйгөйлөрү көкөй кесип турат. Себеби Кыргызстандын жарандык авиация тармагынан каттоодон өткөн 32 авиакомпания тең Еврокомиссиянын “кара тизмесинде” турат. Ошондой эле жакында болгон авиакырсык дагы бул тармактын кризисин тереңдетти дешет адистер.

Жанарбек Акаев, Ош

5-октябрда түнүндө саат 11ге жакын Кыргызстандын түштүгүндө катуу жер титирөө катталды. Зилзаланын очогу Алай районунун Нура айылына жакын жерде болуп, күчү 8 баллга жеткен. Алдын-ала маалыматтарга караганда, бул табият кырсыгынан аталган айылдын 72 тургуну мерт кеткен. “Азаттык” үналгысынын Ош дубаны боюнча кабарчысы Жанарбек Акаев зилзала орун алган айылда болду. Ж.Акаев кабарчыбыз Төрөкул Дооров менен дүйшөмбүдө кечки саат 8де байланышып, акыркы маалымат менен бөлүшкөн.

5-октябрда түн ичинде Кыргызстандын түштүгүндө болгон катуу жер титирөөдөн Алай районунун Нура айылы кыйроого учурады. Акыркы маалыматтарга ылайык, зилзаладан 72 адам каза болуп, жүздөн ашуун адам ар кандай деңгээлде жаракат алышкан. Учурда куткаруу иштери жүргүзүлүп, жабыр тарткандарга гуманитардык жардамдар жөнөтүлүүдө.

Алайдагы жер титирөө болгон аймактагы соңку кырдаал жөнүндө Чукул кырдаалдар министрлигинин нөөмөт кызматынын жооптуу өкүлү Рамис Сатыбеков “Азаттыкка” маалымат берди.

Алай районундагы көп адам курмандыктарына алып келген жер титирөө болгондугу жөнүндө кабар чыгар замат эле “Азаттыктын” Ош областындагы кабарчысы Алишер Токсонбаев кырсык баскан Нура кыштагын көздөй жөнөп кетти. Кабарчыбыз бүгүн эле Алай районундагы Нура айылы караган Сары-Таш айыл өкмөтүнө жетип барып, кырсыктан жапа чеккендерге Өзгөчө кырдаал министрлиги менен “Кызыл жарым ай” коому алгачкы жардамды көрсөтүп баштаганын билдирди.

Айзада Касмалиева, Бишкек

Алай районунда массалык кыйроого учураткан жер титирөөнүн толкуну Кыргызстандын дээрлик баардык региондоруна тараган. Өлкөнүн түндүк аймагындагы облустардын тургундары жер титирөөнүн күчү анча деле катуу болбогонун айтышса, Баткен, Жалал-Абад дубандарында зилзаланын күчү 5-6 баллга жеткени кабарланууда.

Бүгүн Улуттук опера жана балет театрында кыргыз коомчулугу атактуу дарыгер Мирсаид Миррахимов менен кош айтышты. Коштошууга арналган аза күтүү жыйынында чыгып сүйлөгөндөр Мирсаид Миррахимовдун кыргыз саламаттык сактоо тармагына, кыргыз мамлекетине жана дүйнөлүк медицинага кошкон салымын белгилешти. Миррахимовдун сөөгү Бишкектеги Аларча көрүстөнүнө коюлду.

Ош облустук мамлекеттик акимчилиги кыштагы зилзаладан кыйраган үйлөрдү Кыргыз Өкмөтү куруп берүүгө милдеткер эместигин жарыя кылды. Ал эми табигый кырсыктан жапа чеккендер бийликтин кыш босогосундагы мындай мамилесине нааразы болушууда.

30-сентябрда түштөн кийин Ысык-Көлдүн тескей тарабындагы Балыкчы-Каракол жолунун Ырдык айылына чукул Бээжин олимпиадасынын коло медаль ээси, Азия чемпиону Руслан Түмөнбаев катуу ылдамдыктагы автоунаасын башкара албай кырсыкка кабылган. Президент тартуу кылган бул автоунаанын ичинде Бээжин олимпиадасынын күмүш байге ээси Канатбек Бегалиев жана Кыргызстанга эмгек сиңирген машыктуруучулар Эмил Алыкулов менен Мейрамбек Ахметов да болгон. Бактыга жараша алардын баары аман калышты. Бир гана Руслан Түмөнбаев башынан жаракат алып, учурда Бишкектеги 4-ооруканада дарыланууда.

Кечээ 2-октябрда 82 жаш курагында Кыргызстандын кардиология илим изилдөө институтунун негиздөөчүсү, Кыргызстандын эмгек сиңирген дарыгери, илимий ишмер жана Улуттук илимдер академиясынын академиги Мирсаид Миррахимов дүйнөдөн өттү. Миррахимов Кыргызстанда тоолуу физиологияны, тоолуу медицинаны ачуу менен көптөгөн дарыгер-адистерди өстүргөн.

Бүгүн Кыргызстанда орозо айт. Жер-жерлердеги мечиттерде жана Бишкектин борбордук эски аянтында майрамдык айт намаз окулду. Ушул айт намаз башталаар алдында“Азаттыктын” түз ободогу суроолоруна Кыргызстандын муфтийи Муратаалы ажы Жуманов жооп берди.

Өткөн аптада кыргыз өкмөтү мал чарбачылыгы, ветеринария жана жайыттар боюнча илим изилдөө институтун экиге бөлүп, кайра түздү. Муну өкмөт мал чарбачылыгы жана ветеринария тармактарындагы изилдөөлөрдү тереңдетүү максаты менен байланыштырды. Мындай аракет мал ылаңы опсуз күчөп турган бүгүнкү жагдайда кандай огожо боло алат? Бул багытта “Азаттыктын” суроолоруна академик Жамин Акималиев жооп берди.

Ырысбай Абдыраимов, Жалал-Абат

Жалал-Абат облусунун коомчулугу БШКнын экс төрайымынын айланасындагы окуяларга тынчсыздануу менен карашууда. Бул окуяга тынчсыздангандар Клара Кабилованын күтүүсүздөн өлкөдөн кетүүсүн бийликтин үстөмдүгү менен байланыштырып жатышат. Облустун башка тургундары кызматтан кеткендердин президент менен анын туугандары жана үй-бүлөсүн күнөөлөгөнүнө кошулушкан жок.