"Азаттыктын" дарегине учурда Кытайда жашаган Искендер кызы Нуржамалдан кат келди. Автордун стили сакталды.
Чет жерде туруп, интернет барактарынан Кыргызстандагы болуп жаткан окуяларды окуп абдан тынчсызданып турам. Мен өзүмдүн атыман жана Кытай жеринде окуп билим алып, иштеп жаткандардын атынан Кыргыз элиме, өзүмдүн мамлекетиме кайрылгым келет.
Улуу Кыргыз элим! Азыркы мезгилде бизге сабырдуулук жана тынчтык керек! Биз өзүбүздүн жакшы сапатыбыз менен дүйнөгө таанылып, өнүгүп-өскөн мамлекетке айланышыбыз керек! Азыркы мезгилде бардыгыбыз кол кабыш кылып мамлекет тарабынан түзүлгөн убактылуу өкмөткө жардам беришибиз керек. Убактылуу өкмөттүн башындагы турган адамдар өзгөчө жаштарга көңүл буруп, бири-бирине кол сунуп, жаштар менен бирдикте иштеп Мамлекетибизди сактап, экономикалык жактан жана саясий кырдаалды тынчтык жолунда бийиктетсек! Келечек жаш муундарда!
Мамлекетибиздин келечеги жаштар менен бирге. Ошондуктан Кыргыз элинин жаштары, бардыгыбыз биригип, өзүбүздүн салымыбызды кошсок! Эл ичинде, улуттар ортосунда ынтымак болуп, токчулук, тынчтык, жакырчылыкты жоюп, жаштарыбызды жумуш менен камсыздандырып, коңшу мамлекеттер менен бирге достукта болуп чоң эреселерге жетсек!
Азыркы жүргүзүп жаткан убактылуу өкмөттүн саясатына мүмкүнчүлүк берип, күч бирдикте дегендей, бирдиктүү болуп мамлекетибизди кыйын акыбалынан акырындык менен чыгарып алсак!
Кыргыз элинин жаштарын жана чет жерде билим алып жаткан, иштеген атуулдарыбызды ынтымакка чакырып, Мамлекетибиздин келечеги үчүн Бирдикте болушубузду үндөйт элем!
Искендер кызы Нуржамал. Кытай эл Республикасы 2010.04.21.