жума, ноябрь 28, 2014 Бишкек убакыты: 22:43

Саясат

Өкмөткө ишеним көрсөтпөө өр алды

Социал-демократиялык партиянын саясий кеңеши өкмөткө ишеним көрсөтпөөнү сунуштады.

Өкмөт башчы Өмүрбек Бабанов Ысык-Көл облусундагы иш сапары учурунда, 10-август.
Өкмөт башчы Өмүрбек Бабанов Ысык-Көл облусундагы иш сапары учурунда, 10-август.
Башкаруучу коалицияга кирген “Ата Мекен” жана “Ар-намыс” фракциялары мындай чечимди кечээ күнү кабыл алган эле.

КСДП эки фракциянын чечимин колдоду

14-августтун кечинде Кыргызстан социал-демократиялык партиясынын саясий кеңеши жыйналып, өкмөттүн маселесин талкуулады.

Партиянын жооптуу катчысы Чыңгыз Матиев КСДПнын саясий кеңеши өкмөткө ишеним көрсөтпөө боюнча эки фракциянын чечимин колдоого алганын билдирди:

- Саясий кеңеш колдоого алды. Фракциянын жакынкы отурумунда саясий кеңештин чечимин карасын деген чечим кабыл алынды.

Матиевдин айтымында, өкмөткө ишеним көрсөтпөөгө негизги себеп - экономикалык көрсөткүчтөрдүн төмөндөп кетүүсү болду.

КСДП фракциясынын мүчөсү Галина Скрипкинанын “Азаттыкка” билдирүүсүнө караганда, фракция жыйыны 15-августка белгиленди. Ал эми өкмөттү кызматтан кетирүүнүн жол-жобосу тууралуу депутат буларды билдирди:

- Өкмөттү коалициялык көпчүлүк түзгөн. Ошондуктан коалициялык көпчүлүк карагандан кийин маселе парламентке коюлуш керек. Ал эми ар бир фракция ишеним көрсөтпөөнү чече берет. Бирок коалициялык көпчүлүктүн чечими менен өкмөттүн маселеси каралат.

Коалициялык көпчүлүктүн мүчөсү болгон “Республика” фракциясы албетте өз лидери Өмүрбек Бабановдун кызматтан кетүүсүнө каршы.

Бул фракциянын жетекчисинин орун басары Курманбек Дыйканбаев бардык иштер мыйзам чегинде болуш керек дейт:

-Өкмөттүн маселеси болобу, эртең парламент калабы-калбайбы, президент калабы-калбайбы, мунун баарын мыйзам чегинде чечишибиз керек. Тогуз айдын жыйынтыгы менен карап, бюджеттин аткарылышы кандай болуп жатканын комитеттерде талкуулап, жыйынтыктарга таянып, анан кетиш керек деген чечим кабыл алынса түшүнүктүү болмок.

Дыйканбаевдин айтымында, мыйзамсыз аракеттер уланса парламентти таркатуу талабы фракция тарабынан коюлушу мүмкүн.

Маалыматтарга караганда, КСДП фракциясынын жыйынан кийин фракция жетекчилери чогулуп, башкаруучу коалициянын жыйынын чакырууну чечишет.

“Ата Мекен” фракциясы мына ошондон кийин Жогорку Кеңештин кезексиз сессиясын чакыруу талабын коёрун фракция мүчөсү Туратбек Мадылбеков билдирди.

Премьерликке талапкерлер изделе баштадыбы?

Бул арада Өмүрбек Бабанов кете турган болсо, анын ордуна ким келет деген суроолор жаңыра баштады. Айрым маалыматтарга караганда, жаңы өкмөт башчылыкка вице-премьер-министр Жоомарт Оторбаев, президенттик аппараттын башчысы Жантөрө Сатыбалдиев, Оштун губернатору Сооронбай Жээнбеков жана анын иниси, парламенттин төрагасы Асылбек Жээнбеков, “Республика” фракциясынын мүчөсү, “Өнүгүү” кыймылынын лидери Бакыт Төрөбаевдин талапкерлиги каралууда.

Жаңы өкмөт боюнча кеңешүүлөр жүрүп жатканын КСДП фракциясынын лидери Чыныбай Турсунбеков буга чейин билдирген.

Айданбек Акмат уулу

"Азаттыктын" Бишкектеги бюросунун кызматкери, журналист. Саясат, экономика темалары боюнча адис. Кыргыз Улуттук университетин аяктаган.

Макала боюнча пикир билдириңиз. Пикир редакцияланбайт, эрежеге шайкеш келбесе, сайтка чыгарылбайт. Бирөөнү жектеген, кемсинткен, жеке адамдар, топтор, улуттар ортосунда кастык жараткан пикирлер жарыяланбасын эскертебиз.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
Электөө
Жалпы 4 беттин -бетиндеги пикир
    Алдыга 
кимден: Aldangan каяктан: Korea
19.08.2012 09:06
Men Kalys baikenin pikirine 100% koshulam.Babanovdon ertereek kutulbasak sazga tygylgan kyrgyz tygylgan boidon kala beret!!!!!

кимден: кыргыз баласы каяктан: нарын
18.08.2012 22:27
Бир ат сатып алам деп Бабанов "кыйшайды". Аттын оордуна, ошого кеткен акчаны жашоосу томон 10 уй булого жардам катарында берип койсо, зоболосу артмак. Ат учун элге жаман корунбой койсо болмок. Болоору болду,артка жол жок.
эгер, эл туура тушунушсо бир адам бар, окмот башчылыгына, ал Роза Отунбаева.

кимден: Ормон
16.08.2012 22:30
Болунбо Кыргыз болунбо! Азыргы Атка минерлерин Бирикбе Кыргыз бирикбе деген саясат жургузуп жатат! Беш Партия беш жакка тартып жатат, болгону ЖК элдин 34% добушун алган. Элди ойлогон жок ЖК да Окмотун да! Кана 66% элдин добушу кетиш керек баары. Бул дуйно баары жалган калат артта. Жооп бере турган кун да келет аз калды башталды биринин артын бири ачып. Адаханды жаман дейсинер кана корупциялык иштери кимин далилдейсин .
Пикирге жооп

кимден: Ормон
16.08.2012 23:22
Сен Ормон эмесин мен Ормонмун.Эң туура эмес пикир.Эл далилдейт.Жаныш Бакиевтин туулган куну далилдейт.Ырысбек Акматбаевдин тойундагы суроттор далил дейт.Дагы сага кандай далил керек.

кимден: Аты-жөнү жазылбаган
16.08.2012 22:14
Адахандай киши бийликке келмейинче,кыргызстан өнукпөйт.Коммерсанттардан эмнени кутуп жатасынар,алар керек элди,жерибизге кошуп пулдап жиберет.
Пикирге жооп

кимден: Ормон
16.08.2012 23:26
Жерди пулдаган Бакиев м-н Мадумаров эмес беле.Каркыраны ким саткан пулдап унутуп койдун..Мадумаров аферист эле ошондон ашпапсың ээ замандаш.Ким коммерсант экенин тушунбой калдым.

кимден: Туура Маамыт каяктан: Кадамжай
16.08.2012 21:58
Да ошондой дегиле Казак жерине откону чын болсо далилдей албадыго азыкы окмот соройлорун. Ошондуктан мен айтат элем шайлоо алдында куноолошуп элге жаман корсотуш учун, бирок колдорунан аттын тезегин териш да келген жок демек куноосу жок. Эгер куноосу болгондо Кубатбек Байболов же азыркы Аида Салянова апанар кылмыш ишин козгоп УКМК № 1 СИЗОсуна олтургузат эле. ойлонсонор тоок мээсинерби такыр тушунбодум. Эки ат менен жазып эки жуздуулугунду ушул сайтта да билдирип жатасын.

кимден: ормон
16.08.2012 21:56
Мен эч качан Мадумаровту жактаган адам эмесмин.Ал адамды жактап кыргыз элиме душман болгум келбейт.Кыргызга ал инсан жакшы да кыла албайт жаманда кыла албайт.Бул адам бир кундук оз кызыкчылыгы учун жашаган адам.Менден кийин чоп оспосун деген адам.Мен Мадумаровту филосов жагынан анча мынча билими жок эмес.Бирок саясатчы жагынан денгели төмөн.Болор бала богунан дейт.

кимден: алик каяктан: маскоо
16.08.2012 21:32
ошол адахамынардын колунан еч нерсе келбейт келген дагы емес ,убагында бийликте олтурганда емне кылып журду елдин баары билетго,булардын баарын туп тамырынан бери жоготуш керек,анан жаш таза саакашивиллиге окшогон адамды алып келип олтургузуш керек, антбесе кыргыз еч качан онукбойт...

кимден: Мелисбек каяктан: Бишкек
16.08.2012 15:46
Cен накта туура эмес Мамыт окшойсуң.Сенин Адаханың 2000 жылга чейин АдаХАМ болуп эле жүргөн анан эле хан боло калды эмне хан болгусу келип жүрөбү? Диний китептерде аттардын тизмесин карасаң Адахам Илхам жана башка ушу сыяктуу аттар хам менен эле аяктайт. Каркыраны ал ЖКга Төрага болуп турганда БКС акасы менен Назарбаевке ортомчу болуп чогуу бергенин элдин баары билет. Ошондуктан акаңын булганган шымын түштөн кийин тазалабай эле кой.

кимден: Туура Маамыт каяктан: Кадамжайдан
16.08.2012 14:19
Урматтуу таганка сиздин кургозор чон экен ото эле. Бул адамдын аты Адахан болуп жатат мааниси адилеттуу хан, падыша дегенди тушундурот. Анын аты АдаХам эмес. эгер кругозор чон болуп баратса айтч ким бироонун атын озортуп айтканга акысы бар. Азыркы окмоттогулордун ит багарлары окшойсун.денгеээлин ошого жараша болуп жатат. баарын бир адам жазып жатат бул жерде. Анан Аты жок эр болсон атынды жаз. Мен Адахан Кимсанбаевичти таза саясатчы жана татыктуу жетекчи боло алат деп жазганымдан Адахан озу жазып жатат деп жаздын. Ошол себептуу айтып жатам мен. Кундун ыссыгы мээнди куйгузуп салган окшойт. Бабановко айтсан бензин менен тазалап жууп койсун.
Пикирге жооп

кимден: ормон
16.08.2012 22:09
Атынан падишах койуп олтурсак кыйын болсок болбойт белек.Адахан мин айт таза саясатчы эмес.Жаныштын туулган кунундо камчы белек кылганын ,эстесем адам ордуна аны санабайм.Мейли барсын белек берсин камчыдан болок белек жок бекен.Мин азыр Адахан актансын ал акмактыгы.Камчы элинди катуу карма бай аке.Сенин башынды карапайым эл атап алдындан отпосун деген соз.Өзү Адахан айты го ушул камчы м-н катуу карманыз кимдерди билесиз деп.Эгер калп болсо ушул кудайдын куноосуно батайын.Ден рождения Жаныша Бакиева.Выступительний реч Мадумарова на день рождение Жаныша Бакиева деп утюбеге жазып видиодон корчу.Анан мени жаман кор калп болсо.Анан аны миндеп актай бер ар кандай соз м-н актап.Ошол создон кийин ким аны сыйлайт.Ооба башкалар дагы барды анын барганын айткан жокмун.Камчы белеги анан айткан созу мени куйдуруп жек коргозуп атат.
Пикирге жооп

кимден: таганка каяктан: москва
16.08.2012 15:01
Атымды эмне кыласың демитпей эле кой,аял киши менен жакалашууга чамаң келеби?адаханың жетекчиликке жөндөмү жок экенин спикерликте турганда көргөзгөн.Телибай тентекче кайра айландырып келип койо бергендин эмне кереги бар,пресс-катчыдан башка эчтемкеге жарабайт

кимден: Аты-жөнү жазылбаган
16.08.2012 12:53
Адаханга жетип алгыла ушаукчылар ,көчөдө отурган катындар да силердей ушак айтпайт болбой калыпсыңар өзү.Бийликтегилердин баары эле таза эмес мактабай эле койгула ушул жерде пикир жазып аткандардын баары кошоматчыларсыңар, жердешчилсиңер,ар кимиң өзүңдүн жердешиңди тууганыңды мактайсың койгула туугандар биз бул жол менен кетсек ушул айбан сайасатчылардын аркасынан урушабыз .Бизге булар баары бир жакшылык кылбайт муну бөркүңөрдөй көргүлө...
Пикирге жооп

кимден: Аты-жөнү жазылбаган
16.08.2012 22:13
Адаханды кумир коруп ошого окшой бер сен.Сага кумир болсо толгон элге жек корунгон кошоматчы болтун,Ага мен жизни окшошкум келбейт жана жетким да келбейт.Сен ошого жете бер.Андан коро жонокой карапайым миллиондогон кыргыздардай жашай бергиним жакшы.Элге терс карман клоун болуп жашабай.
Жалпы 4 беттин -бетиндеги пикир
    Алдыга 

Онлайн шерине