Бул тууралуу “Азаттыкка” Ысык-Көл ички иштер башкармалыгынан билдиришти. Маалыматка ылайык, Ысык-Көл облусунун Түп районуна караштуу Шаты айылынын 50 жаштагы тургуну 9-класс окуган өгөй кызын 2013-жылдын апрель айынан бери зордуктап жүргөн деп шектелүүдө. Үстүбүздөгү жылдын май айында кыздын энеси бул туурасында билип калып, укук коргоо органдарына арыз менен кайрылган.
Ушул тапта кылмышка шектүү камалды. Тергөө жүрүп жатат. (AzK)
