Чек арага жакын жашаган тажикстандыктардын айтымында, Кыргызстандын чек арачылары 6-февралда өз желегин Тажикстандын Бобожан Гафуров районундагы Овчикалача айыл аймагындагы тургундардын дарбазасына илип кетишкен. Бул тууралуу "Азаттыктын" тажик кызматы жергиликтүү тажик бийликтерине таянып жазды. Кыргыз чек арачылары бул жер Кыргызстанга тиешелүү экенин айткан. Ошол эле кезде тажик тарап ал талаштуу жер экенин айтууда.
