Газага аттанган тажик жараны Ошто кармалды
Түркия аркылуу "Палестин мусулмандарын коргоо үчүн согушка барам” деп чыккан тажикстандык жаран Ош аба майданында милиция кызматкерлери тарабынан кармалды. Палестинага урушка аттанган Тажик Республикасынын Хожент шаарынын тургуну Камил Рахматов 45 жашта, 3 кыз 1 уулдун атасы, жубайы мугалим, 1999-жылдан бери намаз окуйт. Шаардык милиция жарандын чоо-жайын териштиргенден кийин Улуттук коопсуздук кызматынын карамагына өткөрүп берүүнү көздөп жатат.