Москвадагы Crocus City Hall борборунда болгон теракттан кийин мигранттарга каршы ар кандай билдирүүлөр жайылууда. Арасында Борбор Азия өлкөлөрү менен визалык режимди кайра киргизүү демилгеси айтыла баштады. Кыргыз бийлиги жарандарды ар кандай кооптуу иштерге азгыруу жүрүп жатканын билдирди.
Балыкчыда сот 12 жаштагы кызды сүзүп качып кеткен шаардык милициянын мурдагы башчысы Бектур Осмонбаевге козголгон кылмыш ишин токтотуп, өзүн убактылуу кармоочу жайдан бошотту.
Улуттук коопсуздук комитети кримтөбөл Камчы Көлбаевге тиешеси барларды аныктап, "тазалоо" процесси уланып жатканын айтууда.
Орусиянын Федералдык коопсуздук кызматы 22-марттын кечинде "Крокус Сити Холл" борборундагы куралдуу кол салууга шек саналып 11 киши кармалганын билдирди. Алардын төртөө калабаны ишке ашырууга түздөн-түз катышы бар деген шек менен эки айга камалды.
Казакстанда күн жылып, кар эригени, дарыялар жээгинен чыгып бир нече аймакта айыл-кыштактар суу астында калды. Актөбө шаарында аэропортту убактылуу жабууга туура келди. Оролдун борбордук көчөлөрүн суу каптады. Расмий маалыматка караганда, үч киши дайынсыз болууда.
"Массалык башаламандыктарга чакырууга" шек саналып кармалган «Темиров LIVE» медиасынын учурдагы жана мурдагы журналисттеринин бөгөт чарасы Бишкек шаардык сотунда карала баштады. 27-мартта жараяндын биринчи күнүндө сот үч журналистти камакта калтырды.
Бажы кызматынын башчысынын мурдагы орун басары Райымбек Матраимовду Бишкектин Биринчи Май райондук соту бир айга камады. Матраимов Азербайжандын борбору Баку шаарынан кармалып, 26-мартта үч бир тууганы менен чогуу Бишкекке жеткирилди.
Бажы кызматынын төрагасынын мурдагы орун басары, издөөдө жүргөн Райымбек Матраимов жана анын бир туугандары кармалды.
Футбол боюнча Кыргызстандын улуттук курама командасы Кытай Тайбэйин 5:1 эсебинде утту. Оюн Бишкектеги Дөлөн Өмүрзаков атындагы борбордук стадиондо 26-мартта өттү. Оюндагы голдорду Кыргызстан тараптан Жоел Кожо (үч гол), Християн Браузман, Кими Мерк жана Кытай Тайбэйи тараптан У Ен-Шу киргизди.
Мамлекеттик ипотекалык компания президенттин Иш башкармалыгынын карамагына өттү.
Тергөөнүн далилдери жок болсо да, Путин кол салууну кайрадан Киевге байланыштырды.
Дагы жүктөңүз