БИШКЕК. 10-декабрда Кыргызстандын тышкы иштер министри Аскар Айтматов Кытай Эл Республикасына расмий сапар менен жөнөп кетти. 16-декабрга чейин созулуучу сапар учурунда Аскар Айтматов Кытайдын Мамлекеттик Кеңешинин мүчөсү , вице-премьер-министр Вэнь Цзябао ,тышкы иштер министри Тан Цзясюан, Тышкы соода жана экономикалык кызматташуу министри Ши Гуаншен жана башка расмий жетекчилер менен жолугушуп, эки тараптуу мамилени өнүктүрүү боюнча сүйлөшүүлөрдү өткөрөт. Сапар учурунда терроризмге, сепаратизмге жана экстремизмге каршы күрөшүү боюнча макулдашууга кол коюлат.
