Иса пайгамбардын туулган күнү ал туулган шаарда тынч өттү.

Христиандар Иса пайгамбар жарык дүйнөгө келген деп ишенген Бетлехем шаарында өткөн түнү элди коогага салган эч кандай калаба болгон жок.
Шаардын мэри Ханна Нассердин билдиришинче, Израилдик аскерлердин баскынчылыгына каршы болгон нааразылык акцияларынан улам, Бетлехемдин тарыхында биринчи жолу байыркы Кутчулук майданы жана башка аянттар демейдегидей түрдүү лампалар менен менен кооздолгон эмес.
Өткөн айда Бетлехемдик жанкечти Иерусалимде бомба жардырып, 11 адам өлгөндөн кийин Израилдик аскерлер шаарды ээлеп, аерде коменданттык саат киргизилген.