БИШКЕК. Жума күнү Бишкекте «Демократия жана жарандык коом үчүн» бейөкмөт уюмдар коалициясынын директорлор кеңешинин жана дубандардан келген өкүлдөрүнүн эки күндүк отуруму башталды. Жыйындын катышуучулары референдум тууралуу өз байкоолорунун жыйынтыгын талкуулап, 700гө жакын мыйзам бузуу фактыларын республиканын тиешелүү бийлик органдарына тапшырууну чечишти. Коалициянын президенти Эдил Байсаловдун айтымында, жыйындын соңунда уюмдун референдумга байкоосунун жыйынтыгы тууралуу жергиликтүү жана эл аралык коомчулукка билдирүүсү жарыяланат.
«Демократия жана жарандык коом үчүн» бейөкмөт уюмдар коалициясынын өкүлдөрү референдумда 700гө жакын мыйзам бузуу фактыларын топтогон
