Өзөктүк кубат боюнча эл аралык агенттиктин башчысы Мохаммед Элбарадей 22-февралда Тегеран шаарында Ирандын президенти Мохаммад Хатами менен жолукту. АКШнын талабы менен, агенттиктин эксперттери - Ирандын өзөктүк ишканаларын инспекцияга алыш керек, анткени Орусиянын жардамы менен Ирандын Бушер шаарында курулган өзөктүк электр станциясында, АКШнын айтымында, өзөктүк курал өндүрүү да мүмкүн. Иран сыналгысынын кабарлаганына караганда, жолугушуу учурунда президент Хатами - өлкөнүн өзөктүк ишканалары курал өндүрүүгө багытталган эмес деп билдирди.
