Ирандын руханий жетекчиси аятолла Али Хаменейи 11-апрелде Ирак оппозициясына кайрылып, аларды америкалык жана британиялык аскерлерге көмөк көрсөтпөөгө чакырды. Анын айтымында, өлкөнү басып алган чет өлкөлүк күчтөр менен кызматташуу - тарыхый шермендечилик. Ошол эле учурда, аятолланын пикиринде, ирактыктар коалициялык күчтөргө каршы аракеттенип, алардан өч алууга да умтулбашы керек. Иран жетекчисинин айтымында, ал Ирак диктаторунун жок кылынышын кубаттайт, бирок бүткүл өлкө ракеталар менен талкалангандыгын жактыра албайт.
Ирандын аятолласынын пикиринде, Ирак оппозициясы америкалыктар менен кызматташпоого тийиш
