Германиянын өкмөтү Баткен облусуна жардам берди

БАТКЕН. Облустук биргелешкен оорукананын жетекчилигинен бүгүн алынган маалыматка караганда, Германиянын өкмөтү берген 68 миллион сомдук жабдуу «Эне-баланын саламаттыгын сактоо» долбоорунун алкагында берилди. Бул медициналык жабдуунун наркы 28 млн. сомдук бөлүгү облустук ооруканага, калгандары облустун аймагындагы башка ооруканаларга орнотулду. Булардын арасында операциялык үстөл, 18 даана күйбөс аппараттар, кычкылтек концентраттары жана башка медициналык жабдуу бар. Ошондой эле жакын арада ушул долбоордун алкагында облустагы ооруканалар үчүн 5 даана «тез жардам» автоунаалары келиши күтүлүүдө.