Линктер

бейшемби, 21-сентябрь, 2017 Бишкек убактысы 11:28

Мыйзамдар Конституциянын жаңы редакциясына ылайыкташтырылууда


БИШКЕК. Кыргызстандын адам укуктарына байланыштуу мыйзамдарын Конституциянын жаңы редакциясынын жоболоруна ылайыкташтыруу иштери соңуна чыкты. Бүгүн бул тууралуу 18-февралда президент А. Акаевдин буйругу менен түзүлгөн атайын жумушчу топтун башчысы, тышкы иштер министри Аскар Айтматов, Акыйкатчы Турсунбай Бакир уулу жана жумушчу топтун мүчөлөрү билдиришти. Алардын айтымында, жумушчу топ 60ка жакын укуктук-нормативдик актыларды карап, 6 кодекске, 15 мыйзамга алымча-кошумча киргизүү боюнча 21 мыйзам долбоорун даярдады. Эми алар Мыйзам чыгаруу жыйынынын кароосуна жиберилмекчи. Негизги өзгөрүүлөр кат алышуунун, телефон менен сүйлөшүүнүн жашыруундугун камсыздоону, жеке адамга, анын үйүнө кол тийбестикти, саясий жана башка эркиндиктерди кепилдей турган беренелерге киргизилди.

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG