Вашингтон Бээжинде өткөн АКШ-Түндүк Корея-Кытай ортосундагы сүйлөшүүлөр олуттуу натыйжа алып келбегенин билдирди

АКШ президентинин басма сөз катчысы Ари Флейшер ал жолугушууда Америка менен Кытай Пхеньянга өзүлөрүнүн көз караштарын ачык-айкын билдиришкенин жана бул проблема келечекте көп тараптуу дипломатиялык аракеттердин жардамы менен чечилээрине ишенип турганын белгиледи. "Түндүк Корея өзөктүк куралдар программасын түп-тамырынан жоюп, андан биротоло арылууга тийиш. Бул – биздин өнөктөштөр койгон талап. Проблеманы чечүүгө чоң салым кошуп, Түндүк Корея чатагын жайынча жөндөөгө аракет кылып жаткан Кытайдын саясаты да ушуга үндөш", - дейт Вашингтондун өкүлү.