1-май күнү Түркиянын чыгышында болгон жер титирөөдөн тирүү калгандарды издөө уланууда. Алар негизинен балдар жана Желтиксуу шаарындагы интернаттын имаратынын урандыларынын алдында калган. Эки күндүн ичинде анын алдынан 114 бала тирүү табылды жана 63 өлгөн баланын денелери алып чыгылды. Дагы 20 адам урандылардын алдында деп божомолдонууда. Жер силкинүүдөн өлгөндөрдүн саны 147ге жетти, дагы бир миңдей адам жараат алган.
