АКШ президенти Жорж Буш 19-май күнү Вашингтондон атайын билдирүү жасап, Сауд Арабия менен Мароккодо болгон террор аракеттери - эл аралык терроризмге каршы согушту улантыш керек экенин көрсөттү деп билдирди. Анын айтымында, дүйнөнүн эркин мамлекеттери бул күрөштү улантып, терроризмди баары бир жеңет, америкалык адистер болсо, акыркы жардыруулардын артында "Аль-Каида" уюму турбайбы деген маалыматты текшерүүдө. 12-май күнү Сауд Арабиянын борбор калаасында үч жардыруу болуп, андан 34 адам набыт болгон жана Вашингтондун айтымында, Сауд Арабияда жакында дагы жаңы жардыруулар уюштурулушу мүмкүн.
