Тайланддын премьер-министри Таксин Синаватра бүгүн атайын билдирүү жасап, май айында камакка алынган террорчу - Тайландда ири террор аракетин ишке ашыруу пландалганын мойнуна алгандыгын жарыялады. Премьердин айтымында, террорчулар - октябр айында Тайланддын борбору Бангкок шаарында өтүүгө белгиленген Чыгыш Азия өлкөлөрүнүн саммити учурунда шаардагы чет өлкөлүк бир нече элчиликти жардырууну пландаштырган. Май айында кармалган террорчу Сингапурдан келген, анын тайланддык үч жардамчысы үстүбүздөгү аптада кармалды жана алар "Жимаа Исламия" уюмунун мүчөлөрү. Бул уюм - өткөн жылы Индонезиянын Бали аралындагы жардырууну уюштурган деп күнөөлөнөт.
