Сербиянын эки күн бою нааразылык акция өткөрүшкөн шахтерлору өкмөттү өз планынан кайра кайтууга мажбур кылышты. Шахтерлор менен өкмөт мындай макулдашууга кечээ кечинде келишти. Шахтерлор Белграддын кан жолун тосуп алышып, өкмөттүн чыгашалуу шахталарды менчиктештирүү планына каршылык көрсөтүшкөн эле. Кабыл алынган макулдашууга ылайык эми Сербия өкмөтү менчиктештирүү планын дагы бир жолу иликтеп, тараптар бир чечимге келгенден кийин гана кароого милдеттүү болду.
