БИШКЕК. Эртең Орусиянын экс-президенти Борис Ельцин жубайы Наина Ельцина менен кошо Бишкекке келиши күтүлөт. Өкмөттүн маалымат кызматынын кабары боюнча, Ысыккөлгө эс алганы келаткан Ельциндин үй-бүлөсүн «Манас» аэропортунда премьер-министр Николай Танаев тосуп алат. Орусиянын экс-президенти эс алуу мезгилинде мамлекеттик жетекчилер менен бейформал жолугушууларды өткөрөт. Борис Ельцин Кыргызстанга алгачкы ирет президент болуп шайланган соң 1991-жылы, андан кийин бейрасмий сапар менен 2002-жылы келип, экөөндө тең Ысыккөлдө болгон.