Азербайжандын президенти Гейдар Алиевдин уулу Илхам Алиев 15-октябрда боло турган президенттик шайлоого катышуу үчүн расмий каттоодон өттү. 41 жаштагы Илхам Алиев Азербайжандын президенттигине атасынан кийин ат салыша турган экинчи талапкер болуп калды жана ал атасынын шайлоосуна көмөк көрсөтүү үчүн гана катталгандыгын билдирди. Ал эми 80 жаштагы Гейдар Алиев азыр Түркиянын бир ооруканасында дарыланып жатат.
