БИШКЕК. Соңку 6 айдын ичинде менчиктештирүүнүн натыйжасында өлкөнүн бюджетине 82 млн. 380 миң сом киреше алынды. Анын ичинен 30 млн. сом менчиктештирилген ишканалардан алынган дивиденд катары бюджетке түшкөн. Жалпысынан жарым жылда өлкөдө 39 объект менчиктештирилди. Бул тууралуу маалымат бүгүн Мамлекеттик мүлктү башкаруу жана түз инвестицияларды тартуу боюнча мамлекеттик комитеттен алынды. Азыр өлкө боюнча 367 ишкана банкрот жараянында турат. Алардын ичинде 66сы - мамлекеттин карамагындагы ишканалар.
