Багдад шаарында бүгүн миңдеген адам чогулуп, 13-августта атып өлтүрүлгөн адамдын тажыясын өткөрдү. Ал шийи мусулман киши америкалыктарга каршы өткөрүлгөн митингге катышкан жана аскерлер митигичилерге ок атканда курман болгон. Кийин америкалык жетекчилик шийи мусулмандарына кайрылып, окуя үчүн кечирим сурады. Бүгүн өлкөнүн Балад шаарында болгон жарылуудан эки америкалык аскер жана үч карапайым адам жарат алды. Фаллужа шаарында болсо бир америкалык чопкут машине минага жарылып, бир нече киши жарадар болду.
