Эртең Ош шаарынын мэри шайланат

БИШКЕК. Эртең Ош шаардык кеңешинин кезексиз сессиясы болуп, анда шаардын мэри шайланат. Бул тууралуу бүгүн Ош шаардык кеңешинин кызматкери Замирбек Сасыкбаев билдирди. Анын айтымында, шаар башчылыкка талапкерлерди премьер-министр Николай Танаев көрсөтөт. Айрым маалыматтарга караганда, Ош шаарынын мэрлигине талапкерлердин арасында экология жана өзгөчө кырдаалдар министри Сатыбалды Чырмашев бар. Ош шаарынын мурунку мэри Жантөрө Сатыбалдиев президенттин жарлыгы менен президенттин энергетика боюнча вице-премьер даражасындагы атайын өкүлү болуп дайындалган.


Кабарлар топтомун Бишкектен даярдагандар – Бүбүкан Досалиева жана Айданбек Акмат уулу

Редактор – Жыргалбек Касаболотов