АКШ президенти Жорж Буш кечээ күнү күтүүсүздөн Иракка келип кетти. Багдад шаарынын аэропортунда ал америкалык аскерлер менен кошо АКШнын негизги майрамдардын бири - Ыраазылык күнүн белгиледи жана аскерлерге алкыш айтты: "Ирак элин бошотууга жардамдашып, силер дүйнөнүн эң кылмыштуу аймагындагы тынчсызданууну жоюуга көмөктөшүп жатасыңар. Жакынкы Чыгыштын чок ортосунда тынч жана демократиялык мамлекет курууга жардамдашып, силер америкалык элди да коркунучтан куткарып жатасыңар жана биз ага ыраазыбыз". Буш Иракта эки жарым саат гана болду жана өлкөнүн Башкаруучу кеңешинин мүчөлөрү менен да жолукту.
