Ооганстандын убактылуу президенти Хамид Карзайдын айтымында, келерки шаршемби күнгө белгиленген Лойа Жырганын башталышы бир аптага кечигиши мүмкүн. Жыйынга беш жүзгө жакын делегат шайланган жана алар өлкөнүн жаңы конституциясынын долбоорун кароого тийиш. Өкмөт мүчөлөрүнүн айтымында, жыйынга даярдыктар жакшы эле өтүүдө, бирок алыскы аймактардан шайланган делегаттар борбор калаага жетүүдө кыйынчылыктарга дуушар болууда.
