БИШКЕК. 16-ДЕКАБРЬ. Ушул жылы Кыргызстанга тыштан келген түз инвестициялардын көлөмү былтыркыга салыштырмалуу 25 процентке көп болду. Мындай маалымат тышкы инвестицияларды тартуу боюнча президенттин атайын өкүлүнүн катчылыгынан алынды. Маалыматка караганда, жалпы экономикалык көрсөткүчтөр боюнча да быйыл өткөн жылдарга салыштырмалуу өсүш бар. Өткөн он бир айдын ичинде ички дүң продукциянын көлөмү 6,5 % түзүп, беш миллион калктын жан башына бөлө келгенде 400 доллардан тийди. Өткөн жылга салыштырмалуу өнөр жайдагы өсүш 16 % жогору жана инфляциянын көлөмү 3% төмөн болду. Экспорттун көлөмү өткөн жылга салыштырмалуу 10-11% жогору.
