Бээжин андан тышкары тайвандык тыңчыларга көмөктөшкөн деп 19 кытайлыкты да абакка отургузду. Синьхуа маалымат агенттиги кармалгандардын баары күнөөсүн мойнуна алып, Кытайдын коопсуздук кызматына туура жолго салганы үчүн ыраазычылык билдиришкенин кабарлады. Бээжин менен Тайпей 1949-жылкы согуштан бери каршылашып, бири-бирине тыңчылардын торун жайып келатканы маалым. Кытай – Тайван аралын өзүнүн ажырагыс бөлүгү катары караштырып, эгерде Тайвандын 23 млн. чукул калкы көз карандысыздыгын жарыяласа, ошол замат кол салаарын эскертип келет.
