Вашингтонго кайтарда Пауэлл “Эхо Москвы” радиостанциясына интервью берип, эки өлкө бардык маселелерди ачык-айрым мүнөздө талкуулагандыгын ырастады. Ачык айтып, ак сүйлөшүү – достуктун негизин түзөт, азыр Кошмо Штаттары менен Россиянын ортосунда ушундай мамиле түзүлдү, деп айтты Пауэлл. Мындан тышкары ал Грузияга байланыштуу маселеге кайрылып, АКШ менен Россия бул өлкөдө атаандашканга караганда кызматташканга кызыкдар экенин, мунун өзү грузин элинин кызыкчылыгына кызмат кыларын белгиледи. Кечээ Пауэлл орус президенти Владимир Путин менен жолугуп, сүйлөшүүлөрдү өткөрдү.
