БИШКЕК. Бүгүн биринчи вице-премьер-министр Кубанычбек Жумалиев Дүйнөлүк банктын Кыргызстандагы өкүлү Крис Лавлейс менен жолугушту. Анда Кыргызстандагы чакан шаарлардын инфраструктурасы менен мүмкүнчүлүгүн кеңейтүү боюнча Кыргызстан менен Эл аралык өнүгүү ассоциациясынын ортосундагы долбоор тууралуу макулдашууга кол коюлду. Макулдашууга ылайык аталган долбоорду 2003-2006-жылдарда ишке ашыруу үчүн Дүйнөлүк банк 15 миллион долларлык грант бөлдү. Долбоорду даярдоо үчүн Япониянын өкмөтү 851 миң доллар берет. Ал эми долбоор чакан шаарлардын инфраструктурасын жакшыртуу, жергиликтүү өзүн-өзү башкаруу органдарынын мүмкүнчүлүгүн жогорулатууга багытталган.
