Орусиянын коргоо министри Сергей Иванов кечээ күнү атайын билдирүү жасап, эгер Орусиянын чек арасына жакын аймакка НАТО аскер жайгаштырса, Маскөө коргонуу чараларын күчөтүүгө аргасыз болот деп билдирди. Ивановдун айтымында, НАТО Орусияга шерик катары эмес, кастык мамиле кылууда. Латвия, Литва жана Эстония уюмга кошулгандан кийин, 2-апрелден тартып НАТО бул үч жумурияттын аба мейкиндигин өз көзөмөлүнө алууга даярданууда.
