БЕЙРУТ. Мунай экспорттоочу өлкөлөрдүн уюму - ОПЕК мунай казып алууну көбөйтүшү мүмкүн. Мындай чечим менен ОПЕК баррелине 40 долларга чейин көтөрүлүп кеткен мунай баасын ылдыйлатууга үмүттөнөт. Опекке мүчө өлкөлөрдүн мунай министрлери бул маселени бүгүн Бейрутта талкуулап жатышат. Кувейт жана Бириккен Араб Эмирликтери мунай казып алууну 11 процентке көбөйтүп, күнүнө 26 миллион баррелге жеткирүү керек, деп эсептешет.
