КАРАКОЛ. Көпчүлүк айыл тургундарынын арызданууларына жана жергиликтүү басылмалар аркылуу билдирилген маалыматтарга караганда, малдын шарп ылаңы Түп, Аксуу жана Жетиөгүз райондорунда жайылууда. Маселен, Түп районундагы Кудургу, Тогузбулак айылдарынан 34 уй өлгөн. Аталган район боюнча 2800 вакцина керектеле турган болсо, 1300 вакцина гана сайылган. Алынган маалыматтарга караганда, ушул тапта облус боюнча 61-ветеринардык тейлөөсү иштейт, бирок алар облустун баардык райондоруна ветеринардык кызмат көрсөтө алышпайт. Ал тургай канча мал шарп ылаңына кабылды, бул тууралуу так маалыматты билишпейт.
