СИЕРРА-ЛЕОНЕ. Сиерра-Леонеде болгон аба кырсыгына вертолетко кандайдыр бир нерсенин сырттан таасир эткени себеп болгон, деп божомолдойт Россиянын "УТЭЙР" авиакомпаниясы. Улуттар уюму Сиерра-Леонедеги кырсыктан 24 кишинин мерт болгонун ырастады. БУУнун карамагындагы Ми-8 вертолетунда уюмдун бейпилдик кызматкерлери жана гуманитардык уюмдун жумушчулары кетип бараткан. Учакты Россиялык экипаждын үч кызматкери айдап баратышкан.