БЕРЛИН. Эл аралык валюта корунун мурдагы башчысы Хорст Көлер бүгүн Германиянын президенттигине ант берди. 61 жаштагы саясатчы номиналдуу гана бийликке ээ президенттик кызматты Йоханнес Раудан өткөрүп алды. Өлкөнүн парламентинде сүйлөгөн сөзүндө экономист Хорст Көлер жумушсуздарынын саны 10 проценттен ашып кеткен Германиянын экономикалык абалына кабатыр болуп жатканын белгилеп, өлкөнүн социалдык камсыздоо тармагы реформага муктаж экенин билдирди.
