Иран өкмөтүнүн басма сөз өкүлү Абдолла Рамезанзаде кошуна Ирактын убактылуу коргоо министри Хазем ал-Шааландын айткандарын катуу сынга алды. "Вашингтон пост" гезитинде кечээ күнү жарыяланган маекте Иранды ал Ирактын эң биринчи душманы деп атаган жана Ирактагы окуяларга Иран кийлигишип жатат деп билдирген. Рамезанзаденин айтымында, Тегеран Ирактын ички иштерине кийлигишкен жок жана ирактык министрдин айткандары Багдад өкмөтүнүн расми билдирүүлөрүнө карама-каршы келет.
