БИШКЕК. Шанхай кызматташтык уюмуна кирген мамлекеттерге чет элден инвестицияларды тартууну атайын жумушчу топ ишке ашыра баштайт. Ага негиз берген жобо Шанхай кызматташтык уюмуна кирген мамлекет өкүлдөрүнүн Тажикстандын Дүйшөмбү шаарында өткөн жыйынында кабыл алынды. Мындай маалыматты бүгүн АКИпресс агенттиги таратты. Ал кабарга караганда, атайын жумушчу топ уюмга кирген мамлекеттерге тышкы инвестиция тартуу жана аны коргоого өбөлгө түзчү аракеттерди көрүп, инвестиция тармагынан кызматташуунун келечектүү багыттарын аныктап турат.
