БИШКЕК. Бүгүн Бишкекке караштуу Чоңарык айылында 350 орундуу маданий-көңүл ачуучу борбор ачылып, ал айыл өкмөттүн карамагына берилди. Бул борбор Чоңарык, Ортосай, Киргизия, Ынтымак чакан аймактардын башын кошкон Чоңарык айыл өкмөтүнө кызмат кылат. Жогорку Кеңештин мыйзам чыгаруу жыйынынын төрага орун басары Кубатбек Байболов колдоого алган бул курулушка жоопкерчилиги чектелген «Оберон» фирмасы 3 миллион 700 миң сом чыгымдады. Бул тууралуу Жогорку Кеңештин басма сөз кызматы билдирди.
